monumenta.ch > Beda Venerabilis > bmv343.210 > bnf13013.130 > bkeCod.15.189v > sectio 12 > sectio 6 > bnf13013.102 > uwbM.p.th.f.12.57 > bkeCod.15.172v > csg250.296 > bavPal.lat.1448.176 > sectio 25 > ad Corinthios I, 15 > bnf2495.108 > csg250.209 > sectio 33 > bnfNAL1615.154 > sectio 63 > csg251.114 > csg248.152 > sectio 20 > sectio 38 > sectio 48 > sectio 8 > sectio 7 > csg250.250 > sectio 10 > sectio 99 > sectio 9 > sectio 121 > sectio 147 > sectio 28 > sectio 9 > sectio 51 > csg248.156 > uldLIP7.203 > bnf6797.155 > sectio 7 > bnf2495.104 > bnf13013.110 > csg248.147 > sectio 8 > sectio 1 > csg250.239 > bnf6795.288 > sectio 12 > sectio 7

Word Selection for Searching

Report an Error in this Sectio
Hieronymus, Epistulae, 2, 29, 7
Quam vellem nunc tibi omnem habitum sacerdotalem exponere, et per singulas vestium species, divina ostendere sacramenta. Verum quia in hoc ipso brevitatem Epistulae excessimus, et Iosephus ac Philo viri doctissimi Iudaeorum, multique de nostris id latissime persecut siunt, quorum, ut aiunt, voce audies me: quae de caetero velis, praesens percunctator praesentem, ut si quid forte nescimus, sine teste, sine iudice in fida aure moriatur. Mater communis si valeat, gaudeo, et ut valeat, Dominum precor. Nos, ut scis, Hebraeorum lectione detenti, in Latina lingua rubiginem obduximus; in tantum, ut loquentibus quoque nobis stridor quidam non latinus interstrepat. Unde ignosce ariditati: et si imperitus sum sermone, inquit Apostolus, sed non scientia. Illi utrumque non deerat, et unum humiliter renuebat. Nobis utrumque deest, quia et quod pueri plausibile habueramus, amisimus; nec scientiam quam volebamus, consecuti sumus, iuxta Aesopici canis fabulam, dum magna sectamur, etiam minora perdentes.